整體感覺篇：
- 精緻：樂園大至城堡、小至路邊擺設，都可見花上了一定心思，目的不外乎想帶你脫離現實，這大概做到了，因為我今日返工途中我完全諗唔到工作的進度是如何！
- 人太多：冇誇張，樂園每一個地方這好似旺角西洋菜街行人專用區咁，熱門遊戲好彩就排半個鐘就有得玩，最耐兩個半鐘都有得你排。這與樂園大小無關，大 d 佢又會放多 d 人入去架o者！
- 大小還可以：我無去過他迪士尼，所以無乜期望、無乜比較。香港地，你想點呀？
- 遊戲量剛足以消磨一日：排隊過多關係，我玩唔晒。
- 可以豐檢由人：我唔計買記念品都只係用左五十五蚊！?面竟然有飲水機！意料之外！要豪就大把野買 lu
遊戲篇：
- 首推巴斯光年：可以玩激光槍令此遊戲好玩性大增，個個變晒小朋友，而且視覺效果好好，入口處會動的巴斯栩栩如生，好正！仲有好多三眼仔！
- 唔駛怕太空山：又話有人不適，呢樣果樣咁，同大型過山車簡直蚊比同牛比，車！入面應該好靚，所以千祈唔好信佢，帶番副眼鏡！
- 米奇 3D 影院：3D、風、香味、水，體感好好，如果座位會動就真係 WONDERFULLLLLL
- 敗筆火車：原本好有興趣，因為成日都見到佢，仲以為會睇到好多野，點知有七成時間都係睇樹……要睇全景，上樹屋好十倍
創意篇：
- 最欣賞係下雨天米奇米妮會穿雨衣，最正係頂帽有耳仔位！
- 有一個會行會走，仲識得講野的垃圾桶，但係睇伯唔可以用來 dum 垃圾……
如果有自由行篇：
- 超級大混亂：人多過排隊地方成倍有多，香港人己經出左名鐘意排隊，但係都亂亂地，如果俾自由行……哈哈
- 唔見野：路邊 d 精緻野，有 d 就咁擺響度，自由行連坑渠蓋都唔放過，咁……
夢想破滅扁：
- 有 d 西裝老外響個場入面指指點點，點會有員工響夢幻世界入面著西裝架！綵排好喇！
- 講個秘密你聽丫，白雪公主原來有六舊腹肌架！我當場呆左……畢竟外國人審美眼光同我地係唔同的 -_-"
總結：值得再去o既
1 則留言:
hahakakaahaa......我最鍾意米奇老鼠件雨褸有耳仔位!!!!!
發佈留言