益力多慕絲

上次食益力多慕絲覺得好好食，琴晚就想再整，但係就整左 pat 咁既野出來。

水還水，油還油……上次唔係咁個喎！出左乜問題呀？咁就白白倒左五十大元落屎坑！草姑肉碎煮豆腐好野！佢可以令一個唔食豆腐的人食到津津有味！終於有得打機喇，果然，唔記得打到去邊度！毫無進度就收機，純粹過手癮。

終於有得游水喇

經過幾個月的苦等，終於有得去游水喇！雖然係浸水多，但係好過冇丫。發覺身體開始衰老，游兩個來回就〝支力〞，以前？！起碼五個啦！我都有做運動丫，唔通都唔夠？見到有個 b 有奶癬，好有趣！（變態架！）雖然有影到，但係就唔 post 上來喇，咁衰的事我唔會做的！

滿足

一個人，如果能夠做到容易滿足，咁佢一定會開心好多，下面係一些由呢廿四小時發生的事情，我都因為佢地而覺得滿足，如果發生在你身上，你又會唔會滿足？按時間序：好快地完成 user guide響公司砌屎同彈屎多在塊貼身膏藥最後一個上船有蒜蓉焗雞翼食有蕃茄煮蛋食冇機打都有坦克玩早睡早起搭到想搭好耐的一款船影屎相上司到而家都未返，冇王管，做自己野究竟點解我會對 d 屎咁雀躍？見下圖：

d 屎係用 d 類似彈彈波的物料去做，掟佢、彈佢之係會作不規則的反彈動作，再加上表情生鬼，你睇下對腰果眼！

廣告有云

政府廣告都有賣啦

愛鍚自己就等如愛鍚家人
小心預防矽肺病

所以呢，唔好咩同唔好咩咩囉我係咪好討厭呢？

生日烚烚下

琴晚同 DaviD、家貝搞生日，一齊去烚下烚下。都係芝士同沙爹好味，豬骨同蕃茄就好似清水一樣，不過總體來講都係好食！ d 料正嘛！好耐未試過同人討論科學野，但睇來我同 DaviD 嚇親好多人，哈哈！ 生日禮物，好似幾岩佢地心水咁喎。yeah！

註：DaviD 頭頂係兩份禮物來的

冇電視打機

呢篇應該係琴日的文章，但係我竟然唔記得寫……成個週未都落雨，所以就冇地方好去 -_-"成日都響西環過，所以我就記得去睇電視機。我地屋企條件多多，所以連老闆娘都嫌我煩，最後，就梗係買唔到啦！呀~~~~~！幾時先買到呀，我差唔多兩個禮拜冇打過機喇！劇情都唔記得喇！駿駿雖然出乎意料地冇俾人投訴，但係就好似越來越曳，成碗飯都冇食過！！！

大家咕下係乜來？

按圖睇答案

送別

等左咁耐，琴晚終於去到華華〝新〞屋。間屋比係想像之中好幾倍：又大、又靚、又四正、又冇蚊……不過都係負擔唔起 -_-" 其實不嬲都想試下搬出去住的感覺（包括住 hall ），無奈都仲未有幾會，見到人地間屋好似好正咁，有點羡慕華華（好似係生平第一次）……講返琴晚，最重要的目的係送別林曉維（MIT 的 PhD 生啊！！！），但係就混埋我生日（？）、林曉維生日（？）、華華生日（？）一齊搞，都幾特別架！林曉維個 PhD 一讀就七、八年，佢讀完果陣，好彩的話我可能連仔都生埋囉！而且第時佢又唔可以成日返香港，就算返，都唔會多過一個禮拜，讀完又好可能唔會響香港做野。唉！總之以後就會好少見到佢啦，唉！完來有人食牛肉會敏感係真架！見圖

華華果然係唔會講大話喎！

死揀．爛揀．揀著個爛燈盞！

諗住個 card reader 過相用，見肥仔立有個幾好、又平，諗住買返個一樣樣的。死揀、爛揀、揀到個一樣樣（以為）、一樣價錢的，好開心，點知返去一用，壞架！今晚又要擺去換，煩（冇單）！仲有，見到個新相機賣平過我買差唔多二百蚊！呀呀呀！！！

好多 B 好多 B

B1

B2

B3

邊個最得意呢？我就話個個都得意喇！（唔敢亂講說話嘛）究竟換片、沖涼、餵奶、掃風……我會享受還是嫌煩呢？

小學十二年

幾日冇 update 唔係懶，而係個個週未都唔會有電腦用，要週圍去。返工至有時間上網 :p這是小學同學聚會的相片，終於 upload 上網喇！！我覺得李生個樣好幸福，大家來研究一下丫！

小朋友叫行行，兩歲，怕怕醜醜好可愛架！兩個月之後就會有個細佬喇！最衰大 fat sam 打唔到返來，棋差一著 -_-"

繼家姐個 B 之後又一個 B

近排見到多左大肚婆，我就話係經濟好左，而粉紅公主就話我只係留意多左喎。無論如何，我又有得去攪下初生 BB ，我就最鐘意攪佢地 D 手手腳腳同影佢地 D 〝得意〞相。我細個就俾人攪得多，而家仲唔有仇報仇？！

又一個 B

新相出爐

舊相機病了。用了一年大半、拍了二千三百張相，是時侯退役了。它的表現實屬一般，因為用電量大，又快壞。不過它始終為我記錄了不少美好時刻，如此快壞、要買有點可惜……至於新相機，我到目前為止十分滿意，以下是高迪生日試機之作：

背後的女人

註：拍攝時讓大家久等了（要 set 野嘛）

遠距離心靈感應

久違了的遊戲，仍然係好好好好好好好好玩。我想仍然與同一班人玩的關係吧，個個都會攪事！！！雖然難為了阿 ling，但係高迪開心，大家玩得開心，阿 ling 都會心。唔知阿 ling 知道箇中玄機之係有乜反應呢？我當初就想打人兩獲喇！
昨日的飯局令到粉紅公主今日不停放蚊，我既明白亦同意你昨晚的想法，好好休息，打少些機吧！

新開始

突然覺自己有點不濟，好想有一個新開始，所以試下玩 blog希望唔會係三分鐘熱度啦！