火灸三文魚刺身

擾攘左成個禮拜，終於都食左 sogo 特價火灸三文魚刺身，都係貴過三十七蚊，機會真係可遇不可求……但係上個禮拜真係飽到上心口丫嘛，點食得落喎！

全世界流感都在蘊釀之中，粉紅公主就一個作病樣，大家都要小心身體啊！
人人都打流感針、食特敏福……我認為呢個行為好似食穀種咁（香港地仲有好多例子），一下子就用晒對抗病菌o既彈藥，到有抗藥性〝擒留錦〞出現o既時候就大家攬住一齊死啦！

城宴 2005

在眾多討論之下，我地都係去左城宴，譚健健同 kt 後 join。
以前城宴，有 d 似自己大宴親朋的感覺，而家就變成敘舊，以前週圍走，而家只係來往 cs 張檯。

場面、表演都勝舊年，今年仲加插史無前例的示威環節，而且絕對唔係 situtation game ，反對拆羅馬廣場同大興土木 -_-"""""""""""""""" ，校監上台開咪鬧示威者，你見過未？

大家面對以前的對頭，竟然唔記得佢係邊個 *o* ！！！所以，d 受氣、仆街野真係唔駛勞氣，更加唔駛記往，要記就記 d 開心野，因為我已經唔記得好多大學時候o既事，失憶，真係會令自己好感傷……我選莊做過 d 乜？ o'camp 做過 d 乜？？？？？？印象依稀

科工一聚

總算痛完，而家到背脊甩皮

星期日屋企人返來囉，而我就要之前洗衫、拖地、執屋……
諗下諗下，我只係重陽打左半日機，比我預期少好多
因為 pinky 屋企好鍾意接濟我食飯呱
反為打多左 nds lost in blue，但係玩到一度攪到好似玩薩爾達咁，要推木箱、要拍掣，但係又唔難又花時間，唯一不太喜歡的元素

---

寫左 asp.net 幾個禮拜，總算掌握到

化皮燒豬

星期日遊船河，唔覺唔覺晒過龍
星期一，額頭同膊頭開始痛
星期二，仲痛（加上好重o既袋同俾人咬左下膊頭）
星期三，無咁痛，不過開始甩皮，個額頭甩到好核突呀！

搽左潤膚野啦，都仲係一塊塊 pop 起左…………

遊船河

公司同事再搭 friend 就攪左個遊船出黎，遊左去南豐，即係怡紅院 reunion 果度。

非常好彩，天公造美，有陽光、唔熱、水清又冇煙霞，可以玩一大爛餐！仲遊左好耐水添！好耐未試過同陽光有咁近距離o既接觸，個個變晒燒豬！>,< 回程時候班人無聊得滯，影左〝九星戰隊〞此等無聊之作 -_-"

屋企好多家務要做，不過煮飯仔好好玩！

Microsoft TechEd 2005

咁多日冇 update ，係因為去左 Microsoft TechEd 2005 ，公司出錢，仲可以四日唔駛返工添 yeah ！

TechEd 入面我撞到（依出場序）一個法定觀察員（Yelly）、一個同學（Michael）、一個鄰居（冇人會識）同一個莊員（邱志南），比我想像中少，可能因為價錢都幾貴架！但係 TechEd 真係一個難得機會，可以睇到好多新野（ Microsoft 可以當宣傳，收平 d 啦），最犀利係 SQL server 2005 ，有 native XML, native web service, report builder for reporting service, notification service, service broker...... 。我覺得以上全部都係為左個 "Service-Oriented Data Architecture" ，大大加強 SQL server 以及電腦系統o既 automation。d 勁人 demo 果陣，強調 d automation 令我地做少好多，寫少好多 code ，而我即時就諗到飯碗問題： 將來 SQL server 上面o既 trigger 識得自己 send email, SMS，定時定候又識自己 gen report 云云，d server 就越來越多野 set ，set 得好就唔駛寫咁多 program 啦！ >_<

迷上左 Robert Beauchemin o既 SQL seminars ，有興趣就睇下佢個 site。 http://www.sqlskills.com

大部份人睇唔明o既野夠喇，屋企人今日上機去澳洲睇阿哥畢業禮，淨底我一個響香港成個禮拜，我咁少返屋企，屋企隻龜龜會唔會減到肥呢？勁期待重陽節響屋企〝攤屍〞！