送別

等左咁耐，琴晚終於去到華華〝新〞屋。間屋比係想像之中好幾倍：又大、又靚、又四正、又冇蚊……不過都係負擔唔起 -_-" 其實不嬲都想試下搬出去住的感覺（包括住 hall ），無奈都仲未有幾會，見到人地間屋好似好正咁，有點羡慕華華（好似係生平第一次）……講返琴晚，最重要的目的係送別林曉維（MIT 的 PhD 生啊！！！），但係就混埋我生日（？）、林曉維生日（？）、華華生日（？）一齊搞，都幾特別架！林曉維個 PhD 一讀就七、八年，佢讀完果陣，好彩的話我可能連仔都生埋囉！而且第時佢又唔可以成日返香港，就算返，都唔會多過一個禮拜，讀完又好可能唔會響香港做野。唉！總之以後就會好少見到佢啦，唉！完來有人食牛肉會敏感係真架！見圖

華華果然係唔會講大話喎！